Niðurrif á asbesti

Fyrir hverja:

Þetta námskeið er fyrir þau sem hyggjast vinna við tilkynningaskylt niðurrif á asbesti. Skilyrði fyrir því að fá leyfi til að rífa niður asbest er að búa yfir þekkingu á skaðsemi þess og nauðsynlegum mengunarvörnum.

Markmið:

Markmið námskeiðsins er að fræða þátttakendur um skaðsemi asbests og nauðsynlegar mengunarvarnir við niðurrif á því.

Á námskeiðinu verður fjallað um:

• Hvað er asbest, til hvers er það notað og hvar er það helst að finna?
• Hvernig berst asbest inn í líkamann og hvaða áhrifum veldur það?
• Lög og reglur um skyldur þeirra sem taka að sér asbestvinnu
• Heilsufarsskoðanir
• Leyfi sem þarf til asbestvinnu
• Verklýsing og tilkynningar
• Greining á asbesti, mengunarmælingar og mengunarmörk
• Vinnuaðferðir og vinnuaðstæður
• Tækjabúnað, mengunarvarnir, persónuhlífar
• Pökkun og frágangur
• Merkingar og förgun
• Þrif
• Flutningur

Að loknu námskeiði á nemandi að:

• Vita hvað asbest er og getað greint það á verkstað og þekkja áhrif þess á mannslíkamann.
• Þekkja helstu lög og reglur sem gilda um asbestvinnu.
• Kunna til verka við rif á asbesti.
• Geta gengið frá og fargað asbesti.

Annað:

Námskeiðið veitir réttindi til vinnu við asbestverk sem valda lítilli mengun t.d. við niðurrif á þakplötum og ytri klæðningu utanhúss, við minniháttar niðurrif og viðhaldsvinna innanhúss.

Þau sem ljúka námskeiðinu eru á skrá hjá Vinnueftirlitinu svo hægt sé að meta umsóknir um asbestvinnu. Námskeiðið veitir ekki réttindi til stærri verkefna eða vinnu við eða með laust asbest þar sem hætta er á verulegri asbestmengun.

Námskeiðið er í boði allt árið. Það hefst þegar þátttakandi hefur verið skráður og er opið í átta vikur frá skráningu.

Námskeiðið er kennt á netinu, í fræðslukerfi Vinnueftirlitsins. Það tekur um það bil þrjár klukkustundir að fara í gegnum námskeiðið.