Grunnnámskeið í blómaskreytingum

Fyrir hverja:

Þetta námskeið er fyrir þau sem eru að stíga sín fyrstu skref í blómaskreytingum og vinna í blómaverslunum, veitingageiranum eða ferðaþjónustu eða hafa það í hyggju. Einnig hentar námskeiðið vel öllum þeim sem hafa áhuga á að fegra umhverfi sitt með blómum og skreytingum, hvort sem er heima eða annars staðar.

Markmið:

Tilgangur námskeiðsins er að kenna þátttakendum undirstöðuatriði í blómaskreytingum.

Á námskeiðinu verður fjallað um:

• Helstu tegundir afskorinna blóma og meðferð þeirra. Nemendur fá verklega kennslu við skáskurð, hreinsun blómstilka og framsetningu blóma.
• Uppbyggingu blómavanda og helstu strauma og stefnur í blómvöndum. Einnig verður farið í einfaldar skreytingar.
• Að nota íslensk blóm og efnivið úr náttúrunni í nærumhverfi okkar.
• Góða nýtingu á efni sem og fagleg vinnubrögð.

Að loknu námskeiði á nemandi að:

• Þekkja helstu tegundir afskorinna blóma og meðferð þeirra.
• Geta sett saman algenga blómaskreytingu.
• Kunna að nýta vel efni og fagleg vinnubrögð

Aðrar upplýsingar:

Námskeiðið er haldið af Garðyrkjuskólanum. Kennarar eru Bryndís Eir Þorsteinsdóttir og Valgerður Jóndís Guðjónsdóttir blómahönnuðir og eigendur fyrirtækisins Blómdís og Jóndís - blómahönnuðir.