Greiðsluskilmálar Iðunnar

Greiðsluskilmálar

Ganga þarf frá greiðslu áður en námskeið hefst og telst skráning ekki gild fyrr en búið er að ganga frá greiðslu.

Greiðslumöguleikar

Mögulegt er að greiða fyrir námskeið með helstu kredit- og debetkortum og fer greiðslan í gegnum örugga greiðslugátt Teya.

Endurgreiðsla

Hægt er að fá námskeið endurgreitt í sérstökum tilfellum, t.d.:

1. Ef skráður þátttakandi hættir við að sitja námskeið þarf að tilkynna það skriflega í tölvupósti á netfangið [email protected] a.m.k. 48 klst. áður en námskeið hefst.
2. Ef lágmarksfjöldi þátttakenda næst ekki og námskeið er fellt niður endurgreiðir Iðan námsgjaldið að fullu. Þetta á einnig við ef námskeið er flutt á nýja dagsetningu og skráður þátttakandi getur ekki nýtt sér námskeiðið.

Vinsamlegast athugaðu að eftir að nám er hafið hefur þátttakandi skuldbundið sig til að greiða allt námsgjaldið og er því ekki hægt að fá það fellt niður eða endurgreitt.

Öryggisskilmálar

Farið er með öll gögn og upplýsingar sem þátttakendur gefa upp í tengslum við skráningu á námskeið hjá Iðunni sem trúnaðarmál.

Fyllsta öryggis er gætt hvað varðar greiðslur fyrir námskeið og fara greiðslur með greiðslukortum í gegnum örugga greiðslusíðu Teya.

Lög og varnarþing

Skilmálar þessir eru í samræmi við íslensk lög. Rísi mál vegna þeirra skal það rekið fyrir Héraðsdómi Reykjavíkur.