Snertipunktar: Dagur prents og hönnunar

Dagskráin hefst kl. 16:00 með fyrirlestrum og vinnusmiðjum í fjórum stofum, þar sem farið verður yfir hugmyndir, þróun og tækifæri í prent- og hönnunargeiranum. Samhliða opnar birgjagólf, þar sem fyrirtæki kynna tæki, efni og lausnir og gefa gestum tækifæri til að kynnast því nýjasta.

Að lokinni fræðsludagskrá kl. 18:30 tekur við skemmtileg kvöldstund þegar Ari Eldjárn stígur á svið með uppistand. Kvöldinu lýkur með léttum veitingum, tónlist og góðu spjalli.

Bakhjarlar Dags prents og hönnunar í ár eru: Gunnar Eggertsson hf, SI, Aton og GRAFÍA.

Dagskrá

16:00 Hátíðin sett!

Vilborg Helga Harðardóttir, framkvæmdastjóri Iðunnar og Kristjana Björg Guðbrandsdóttir, leiðtogi prent- og miðlunargreina bjóða gesti velkomna.

16:25 Sjálfbærni prentaðra fjölmiðla

Gundula Ullah frá Funke Media talar um sjálfbærni prents hjá þýska fjölmiðlarisanum Funke Media sem gefur út tugi vinsælla blaða og tímarita í Þýskalandi. Hvers vegna er mikilvægt að halda úti prentuðum fjölmiðlum?

16:45 Masterclass frá Fogra 

Moritz Feil frá Fogra Institute fjallar um litastillingar og stýringar í stafrænni prentun. ISO staðla, ECG litastillingar, tækifæri í gæðamálum og námið hjá Fogra sem Iðan er að þróa samstarf um. 

17:00 Hvað gerðum við 85 ára gamalli móður minni? 

Sigurjón Ólafsson hjá Funksjón stafrænni ráðgjöf fjallar um það hvernig stafræna væðingin fór langt fram úr sér og skrefin sem við þurfum að taka til baka. 

17:00 Góð prentun fyrir Góðan punkt

Reynir Traustason fjölmiðlamaður og útgefandi fjallar um útgáfufyrirtækið sitt Góðan punkt og áratugalangt samstarf sitt við íslenskar prentsmiðjur. 

17:15 Spjaldanna á milli

Nemendur Tækniskólans fjalla um verkefnið Spjaldanna á milli og hvers vegna nýsköpunarverkefni um sjálfbærni og varðveislu vinnuaðferða í bókbandi skipta máli. 

17:30 Allt breytist!

Gunnar Sigurðsson hjá SI og Díana Sigurfinnsdóttir frá Prentmet Odda fjalla um breytingar sem eru að verða á reglugerðum og mörkuðum úti í heimi. Hvað getum við gert hér heima? Eru falin tækifæri í breytingunum?

17:40 Spjall við hönnunarstjóra og hönnuð Aton

Siggi Odds hönnunarstjóri Aton og Hólmfríður Benediktsdóttir leturhönnuður hjá Aton halda erindi.

18:00 Prentmenning- af hverju er mikilvægt að varðveita hana?

Málfríður Finnbogadóttir hjá Prentsögusetri ræðir um mikilvægi prentmenningar fyrir lýðræðið og segir frá merkilegri uppbyggingu í Skálholti.

18:15 Framtíð vörumerkjastaðla

Björgvin Pétur Sigurjónsson prentsmiður og hönnunarstjóri frá Jökulá með innslag.

18: 30 Ari Eldjárn

Ari Eldjárn stígur á stokk og fer með gamanmál. Veitingar og tónlist.

SÝNINGARSVÆÐI Í SAL

Birgjasvæði opnar 15:30 þar kynna eftirtaldir þjónustu sína, vörur og nýjungar.

• Halldór Eldjárn kynnir Veðurkort prentuð í Svansprenti. Hægt verður að panta veðurkort á staðnum.
• Gunnar Eggertsson hf. kynnir þjónustu sína og vöruframboð.
• Tækniskólinn kynnir nýtt nám í prentgreinum og breytingar á námi. Nemendur Tækniskólans kynna þar einnig nýsköpunarverkefnið Spjaldanna á milli- hægt verður að kaupa minnisbækur sem þau hafa unnið.
• Litli Prentarinn Við bjóðum Litla Prentarann glóðvolgan úr prentsmiðju.
• Prentsögusetur sýnir uppbyggingu í Skálholti.
• Kynning á útgáfu Funke Media tímarit, dagblöð og önnur prentútgáfa til sýnis.
• Iðan fræðslusetur í 20 ár Iðan á afmæli og því þarf að fagna. Starfsfólk Iðunnar fræðsluseturs tekur vel á móti ykkur. Kynning á næstu námskeiðum og hugmyndakassi fyrir þá sem vilja lauma að góðum hugmyndum.