Vistaðu og skipulegðu myndasafnið þitt með Google Photos

Google Photos er ein af fjölmörgum ókeypis lausnum sem Google hugbúnaðarrisinn býður upp á. Google Photos er þægileg leið til að hýsa jafnvel stærstu myndasöfn, koma skikkan á þau og jafnvel deila með vinum og kunningum. Google Photos er skýjalausn og þú hefur aðgang að henni í gegnum app í símanum þínum eða á vefnum. Með því að geyma myndir á þennan hátt er bæði hægt að spara pláss á símanum og koma í veg fyrir að myndir tapist, t.d. ef síminn glatast eða skemmist.