Þau eru með framtíðina fyrir sér í grafískum greinum

Útskriftarsýning nemenda í grafískri miðlun og bókbandi fór fram í kennslurými grafískra greina í Vatnsholti við Tækniskólann föstudaginn 8.desember. Þar voru til sýnis lokaverkefni fimm kraftmikilla útskriftarnema úr grafískri miðlun og bókbandi.

Sýningin var sérstaklega hugmyndarík í ár en svæðinu var breytt í vettvang glæps og spreyttu nemendur sig á merkingum með skemmtilegum hætti.

Á sýningunni gafst gestum kostur á að skoða fjölbreytt verkefni nemenda sem endurspegla krefjandi nám.

Umbúðir og merkingar, tímarit, innbundnar bækur og merktar auglýsingavörur. Breiddin í verkefnum hefur sjaldan verið meiri og gaf góða innsýn í þann mikla metnað sem er lagður í starf greinanna innan skólans.

Til hamingju nemendur og kennarar skólans með þessa glæsilegu sýningu.