Svansvottaðar byggingar

Fyrir hverja:

Þetta námskeið er fyrir iðnmeistara, byggingarstjóra og aðra sem ætla að byggja eða gerast ábyrgðarmenn Svansvottaðra bygginga.

Markmið:

Tilgangur þess er að fræða þátttakendur um ferlið og hvað þarf að gera til þess að fá nýbyggingu Svansvottaða.

Meginmarkmiðið er að nemendur öðlist þekkingu á áherslum Svansins og þeim kröfum sem settar eru til að draga úr umhverfisáhrifum byggingarframkvæmda, sporna við hnattrænni hlýnun og vernda heilsu þeirra seirra sem koma að verkinu á framkvæmdartíma sem og íbúa byggingarinnar á notkunartíma.

Á námskeiðinu verður fjallað um:

• Hugmyndafræði Svansins og helstu áherslur.
• Afhverju vottunarferlið skiptir máli.
• Skyldukröfur, valkröfur, efnisskráningar, utanumhald gagna, úttektir og fleira.
• Hvernig staðið er að Svansvottaðri framkvæmd.
• Hlutverk mismunandi aðila sem koma að verkefninu.
• Viðmiðaskjalið og hvernig eigi að nota það.
• Hvaða gögnum þarf að skila inn hvenær.

Að loknu námskeiði á nemandi að:

• Þekkja hugmyndafræði Svansins.
• Þekkja kröfur sem gerðar eru til Svansvottaðra nýbygginga.
• Vita hver er ábyrgð framkvæmdaraðila.
• Kunna skil á byggingarferli Svansvottaðra nýbygginga.
• Vita hvaða gögn þurfa að liggja fyrir og hvernig eigi að skila þeim af sér.

Annað:

Námskeiðið er haldið í samvinnu við Svaninn á Íslandi.