Þetta er námskeið fyrir lagnamenn sem vilja leggja gaslagnir með réttum hætti í íbúðarhúsnæði, veitingahús, sumarhús og iðnaðarhúsnæði o.fl.
Að þátttakendur fræðist um helstu þætti sem varða lagnir fyrir gas og frágang þeirra.
Ágúst er Iðnaðartæknifræðingur að mennt. Hann starfaði hjá Vinnueftirlitinu frá 1996 til 2024 fyrst sem deildarstjóri katla- og þrýstihylkjadeildar og færðist síðar í tæknideild fyrst sem aðstoðardeildarstjóri en frá 2015 sem deildarstjóri tæknideildar Vinnueftirlitsins. Ágúst er m.a. sérfræðingur í vélum, þrýstibúnaði þar með talið gufukerfum, CE merkingum og gasbúnaði.
Guðmundur er MSc í byggingarverkfræði frá Aalborg Universitetcenter og MPA í opinberri stjórnsýslu frá Háskóla Íslands. Hann er löggiltur hönnuður aðaluppdrátta, lagna og burðarþols. Guðmundur hefur áratuga reynslu af að skipuleggja og kenna eldvarnaeftirlitsmönnum að skoða hús eftir forskrifuðum reglum. Hann er stundakennari við Háskólann í Reykjavík og kennir við endurmenntun fag- og iðnaðarmanna hjá Iðunni, Rafiðnaðarskólanum og á námskeiðum í samstarfi við Vinnueftirlitið.