Gervigreind í starfi iðnaðarmanna

Fyrir hverja:

Námskeiðið er ætlað iðnaðarmönnum, bæði sjálfstætt starfandi og þeim sem starfa hjá fyrirtækjum, sem vilja nýta gervigreind til að einfalda verkefni, spara tíma og bæta vinnubrögð. Ekki er gerð krafa um fyrri þekkingu á gervigreind.

Markmið:

Markmið námskeiðsins er að þátttakendur öðlist hagnýta færni í notkun gervigreindar sem nýtist þeim í starfi. Áhersla verður lögð á að þátttakendur læri að nota aðgengileg gervigreindartól á markvissan og ábyrgan hátt.

Á námskeiðinu verður fjallað um:

• Grunnatriði gervigreindar og notkun hennar í iðngreinum.
• Notkun gervigreindartóla á borð við Claude.
• Upplýsingaleit, tilboðsgerð, skipulag og samskipti.
• Tengingar við tölvupóst, dagatal og önnur gagnleg kerfi.
• Hagnýtar æfingar, ábyrg notkun og persónuvernd.

Að loknu námskeiði á nemandi að geta:

• notað gervigreindartól við dagleg verkefni;
• sett fram skýrar og markvissar fyrirspurnir;
• nýtt gervigreind við upplýsingaleit, skipulag, tilboðsgerð og samskipti;
• metið niðurstöður og notað tæknina á öruggan og ábyrgan hátt.

Aðrar upplýsingar:

Kennarar á námskeiðinu eru Hjörtur Sigurðsson sérfræðingur í gervigreind, og Axel Axelsson, nemi í pípulögnum. Saman tengja þeir þekkingu á gervigreind við hagnýta reynslu og raunveruleg verkefni úr starfsumhverfi iðnaðarmanna.