HACCP kröfur um hreinlæti við lagnavinnu

Fyrir hverja:

Námskeiðið er fyrir alla sem koma að vinnu við að leggja vatnslagnir í jörð og neysluvatnslagnir utanhúss og innan.

Markmið:

Markmið námskeiðsins er að auka þekkingu og skilning þátttakenda á hættum sem stafa af skorti á hreinlæti við lagningu neysluvatnslagna og að stuðla að góðum starfsháttum samkvæmt HACCP kerfinu.

Á námskeiðinu verður fjallað um:

• Hættur í lagnavinnu þar á meðal örverur, ofnæmisvalda og mengun
• Rétta meðferð, móttöku og geymslu lagna.
• Forvarnir gegn krossmengun og mikilvægi réttra vinnubragða.
• Persónulegt hreinlæti, þrif og þrifaáætlanir
• Eftirlit, ábyrgðarskiptingu og hlutverk starfsfólks og stjórnenda

Að loknu námskeiði á nemandi að:

• Skilja grundvallaratriði varðandi hreinlæti og matvælaöryggi.
• Þekkja helstu hættur við lagningu og frágang neysluvatnslagna
• Kunna að beita góðum starfsháttum í daglegu starfi