Fallvarnir
Félagsfólk Iðunnar fær að jafnaði 80% afslátt af námskeiðum, eða að hámarki 150.000 kr.
Þeir sem eru ekki félagsmenn gætu átt rétt á styrk úr fræðslusjóði síns stéttarfélags.
Fyrir hvern:
Námskeiðið er ætlað fólki sem starfar í bygginga- og mannvirkjagerð og við aðrar aðstæður þar sem unnið er í hæð.
Markmið:
Markmið þess er að auka þekkingu þátttakenda á hættum við vinnu í hæð og kenna þeim að nota réttan fallvarnarbúnað. Þannig verði stuðlað að fækkun óhappa og vinnuslysa.
Á námskeiðinu verður fjallað um:
- Vinnu í hæð og tekin dæmi um hættulegar aðstæður.
- Notkun á viðeigandi fallvarnarbúnaði og aðrar forvarnir til að verjast fallslysum.
- Viðbragðsáætlanir til að tryggja öryggi starfsmanna.
Að loknu námskeiði á nemandi að:
- Þekkja hættulegar aðstæður við vinnu á framkvæmdasvæðum.
- Geta valið og notað viðeigandi fallvarnarbúnað.
- Kunna að gera viðbragðsáætlun til tryggingar á öryggi.
Annað:
Námskeiðið er haldið í samvinnu við Dynjanda ehf. Þátttakendum stendur til boða að prófa nýjustu gerðir fallvarnarbúnaðar.
Félagsfólk Iðunnar fær að jafnaði 80% afslátt af námskeiðum, eða að hámarki 150.000 kr.
Þeir sem eru ekki félagsmenn gætu átt rétt á styrk úr fræðslusjóði síns stéttarfélags.
Gísli hefur sótt fjöld námskeiða og hlotið réttindi sem leiðbeinandi um notkun og meðferð öryggisbúnaðar. Hann starfar við sölu og ráðgjöf hjá Dynjanda.