HACCP 1 – Hreinlæti og örugg meðferð Matvæla

Fyrir hverja:

Námskeiðið er ætlað öllum sem koma að meðhöndlun, framleiðslu, geymslu eða framreiðslu matvæla. Það hentar starfsfólki í eldhúsum, veitingarekstri, mötuneytum, bakaríum, matvælaframleiðslu og verslun, sem og stjórnendum og ábyrgðaraðilum á sviði matvælaöryggis.

Markmið:

Að auka þekkingu og skilning þátttakenda á helstu hættum í matvælaframleiðslu og kenna hvernig tryggja má matvælaöryggi með góðum starfsháttum og innra eftirliti samkvæmt HACCP-kerfinu.

Á námskeiðinu verður fjallað um:

• Helstu hættur í matvælaframleiðslu, þar á meðal örverur, ofnæmisvalda og mengun
• Rétta meðferð, móttöku og geymslu matvæla, hitastig og rekjanleika
• Forvarnir gegn krossmengun og röngum vinnubrögðum
• Persónulegt hreinlæti, þrif og þrifaáætlanir
• Innra eftirlit, ábyrgðarskiptingu og hlutverk starfsfólks og stjórnenda

Að loknu námskeiði á nemandi að:

• Skilja grundvallaratriði HACCP og hlutverk þess í matvælaöryggi
• Þekkja helstu áhættur í meðhöndlun matvæla
• Beita góðum starfsháttum í daglegu starfi
• Draga úr líkum á matarsýkingum og krossmengun
• Taka virkan þátt í innra eftirliti á vinnustað