Pylsugerðarnámskeið
Félagsfólk Iðunnar fær að jafnaði 80% afslátt af námskeiðum, eða að hámarki 150.000 kr.
Þeir sem eru ekki félagsmenn gætu átt rétt á styrk úr fræðslusjóði síns stéttarfélags.
Fyrir hverja:
Námskeiðið er ætlað matreiðslumönnum, matgæðingum, heimakokkum og öllum sem hafa áhuga á góðu hráefni og vandaðri matargerð.
Markmið:
Markmið námskeiðsins er að þátttakendur öðlist hagnýta þekkingu og færni til að útbúa pylsur frá grunni heima hjá sér.
Farið er yfir rétta meðhöndlun hráefnis.
Á námskeiðinu verður fjallað um:
- Val á kjöti og rétt fituhlutfall
- Hlutverk salts og próteina í farsgerð
- Rétta meðhöndlun og hitastýringu hráefnis
- Kryddun og jafnvægi bragða
- Sprautun í garnir
- Eldun
- Hvernig laga má uppskriftir að eigin smekk
Áhersla er á verklega vinnu og að þátttakendur fari heim með þekkingu sem nýtist strax í eigin eldhúsi.
Að loknu námskeiði á nemandi að:
- Sett saman eigin uppskrift
- Fullunnið gæða pylsur heima hjá sér
Aðrar upplýsingar:
Kennari á námskeiðinu er landsliðs kjötiðnaðarmaðurinn Hermann S Björgvinsson ásamt félögum sínum í kjötiðnaðarlandsliðinu. Hermann er þrefaldur sigurvegari í Grillpylsu ársins á Kótilettunni BBQ Festival
Félagsfólk Iðunnar fær að jafnaði 80% afslátt af námskeiðum, eða að hámarki 150.000 kr.
Þeir sem eru ekki félagsmenn gætu átt rétt á styrk úr fræðslusjóði síns stéttarfélags.
Hermann er kjötiðnaðarmaður og starfar sem slíkur hjá Síld og Fisk. Hermann er fyrirliði Landsliðs Kjötiðnaðarmanna. Hann er þrefaldur sigurvegari í "Grillpylsu ársins á Kótilettunni 2022, 2024 og 2025.