Iðan í hnotskurn
Hlutverk
Iðan sinnir símenntun starfsmanna í bílgreinum, bygginga- og mannvirkjagreinum, málm- og véltæknigreinum, prent- og miðlunargreinum og matvæla- og veitingagreinum.
Hlutverk Iðunnar er fyrst og fremst að bæta hæfni fyrirtækja og starfsmanna í iðnaði.
Námsframboðið er fjölbreytt og í stöðugri þróun enda er það þýðingarmikið hlutverk að sjá fyrirtækjum og einstaklingum fyrir nýrri þekkingu og færni eftir því sem þörf krefur.
Félagsmenn Iðunnar
Félagsmenn Iðunnar eru þeir starfsmenn í iðngreinum sem greitt er af símenntunargjald sem rennur til Iðunnar. Gjaldið er greitt af vinnuveitanda í samræmi við kjarasamninga.
Aðildarfélög að Iðunni
- AFL Starfsgreinafélag – iðnaðarmannadeild
- Bílgreinasambandið
- Byggiðn
- Félag blikksmiðjueigenda FBE
- Félag dúklagninga- og veggfóðrameistara
- Félag húsgagna- og innréttingaframleiðanda
- Félag iðn- og tæknigreina - FIT
- Félag járniðnaðarmanna á Ísafirði
- Félag málmiðnaðarmanna á Akureyri
- Félag pípulagningameistara
- Félag skrúðgarðyrkjumeistara
- Félag vélstjóra og málmiðnaðarmanna - VM
- Grafía
- Iðnsveinafélag Skagafjarðar
- Landssamband bakarameistara
- MATVÍS
- Málarameistarafélagið
- Málmur – samtök fyrirtækja í málm- og skipaiðnaði
- Meistarafélag bólstrara
- Meistarafélag byggingamanna á Norðurlandi
- Meistarafélag byggingamanna á Suðurnesjum
- Meistarafélag byggingariðnaðarmanna í Vestmannaeyjum
- Meistarafélag húsasmiða
- Meistarafélag iðnaðarmanna í Hafnarfirði
- Meistarafélag Suðurlands
- Múrarameistarafélag Reykjavíkur
- Samstaða - iðnaðarmannadeild
- Stéttarfélag Vesturlands – iðnaðarmannadeild
- Verkalýðsfélag Akraness – iðnaðarmannadeild
- Verkalýðsfélag Vestfirðinga – iðnaðarmannadeild
Símenntun
Iðan býður upp á fjölbreytt úrval vandaðra námskeiða og fullbúna kennsluaðstöðu. Fjarnám er til staðar þar sem það er mögulegt og vefnámskeið. Einnig eru í boði sérsniðin fyrirtækjanámskeið sem haldin eru á vettvangi. Kynntu þér námskeiðsframboðið á www.idan.is
EQM+
Iðan er með EQM+ (European Quality Mark) gæðavottunina sem er staðfesting á því að námskeið og starfsemi Iðunnar stenst evrópskar kröfur um gæði. Þá er Iðan viðurkenndur fræðsluaðili af Mennta- og barnamálaráðuneytinu.
Fræðslustyrkir
Fyrirtæki sem greiða endurmenntunargjöld til Iðunnar og eru í skilum eiga rétt á að sækja um fræðslustyrki vegna náms og fræðslu starfsmanna. Þá á félagsfólk rétt á ferðastyrkjum vegna námskeiða sem þeir sækja.
Styrkir | Áttin.is | Fræðslustjóri að láni | ferðastyrkir vegna námskeiða.
Ráðgjöf og þjónusta
Hjá Iðunni starfa náms- og starfsráðgjafar sem sérhæfa sig í að aðstoða einstaklinga við raunfærnimat, náms- og starfsval og veita almenna náms- og starfsráðgjöf. Iðan sinnir fjölbreyttum verkefnum eins og greiningu á fræðsluþörfum fyrirtækja og framkvæmd sveinsprófa í fjölmörgum greinum. Hægt er að bóka viðtal við náms- og starfsráðgjafa í síma 590-6400 eða með pósti á [email protected]. Þá er hægt að bóka leiðtoga greina ásamt náms- og starfsráðgjafa í fyrirtækjaheimsókn til kynningar á þjónustu Iðunnar og fræðslugreiningar í síma 590-6400.
Þróun og nýsköpun
Rík áhersla er lögð á erlend samvinnuverkefni með það að markmiði að styðja við fagfólk og iðnnema til að sækja sér þekkingu og deila reynslu sinni í löggiltum iðngreinum. Í flestum tilfellum eru námsferðir og samvinnuverkefni styrkt af Erasmus+, EEA - Grants og Norrænu ráðherranefndinni.
Iðan er í samvinnu við fyrirtæki og stofnanir um þróun og nýsköpun innan iðnaðarins, til að mynda þegar kemur að gerð námsefnis, nýjum kennsluaðferðum og tækifærum til fræðslu og þjálfunar erlendis.