Iðan klæddist bleiku og styrkir Ljósið í tilefni Bleika dagsins

Bleiki dagurinn var haldinn hátíðlegur hjá Iðunni fræðslusetri þar sem starfsfólk klæddist bleiku til að sýna samstöðu með þeim sem greinst hafa með krabbamein og minna á mikilvægi vitundarvakningar, stuðnings og forvarna.

Í tilefni dagsins ákvað Iðan að styrkja Ljósið, endurhæfingarmiðstöð fyrir krabbameinsgreinda, sem sinnir mikilvægu starfi við að styðja fólk í gegnum veikindi og endurhæfingu og hjálpa því að byggja upp líkamlega og andlega heilsu.

Með þátttöku í Bleika deginum vill Iðan minna á mikilvægi þess að standa saman, sýna stuðning í verki og hlúa að heilsu og velferð þeirra sem starfa í íslensku atvinnulífi.

Við þökkum Ljósinu fyrir ómetanlegt starf og hvetjum alla til að leggja þessu mikilvæga málefni lið.