Vel heppnað límréttingarnámskeið á Akureyri
Þátttakendur á límréttingarnámskeiði Iðunnar hjá Car-X á Akureyri fengu hagnýta þjálfun með Chris frá Keco Tabs UK. Ný þekking fer nú beint í notkun á verkstæðinu.
Góð stemning var á límréttingarnámskeiði Iðunnar sem haldið var hjá Car-X á Akureyri á dögunum. Leiðbeinandi var Chris frá Keco Tabs UK og mikil ánægja var meðal þátttakenda með námskeiðið og þær aðferðir sem farið var yfir.
Á námskeiðinu fengu þátttakendur að kynnast aðferðum og verkfærum við límréttingar og prófa sig áfram undir leiðsögn Chris.
Þekkingin mun svo fara beint í notkun. Car-X ákvað í kjölfar námskeiðsins að fjárfesta í verkfærunum sem notuð voru við kennsluna svo hægt verði að nýta aðferðirnar strax í daglegu starfi verkstæðisins.
Annað límréttingarnámskeið verður haldið í byrjun desember og því gefst fleirum tækifæri til að kynna sér aðferðirnar.
