Iðan fræðslusetur
Nýsveinar taka á móti sveinsbréfum
240 nýsveinar útskrifuðust með sveinspróf í þrettán iðngreinum á útskriftarhátíð á Hótel Nordica.
Það var glæsilegur hópur nýsveina sem fékk sveinsbréfin sín afhend við hátíðlega athöfn á Hótel Nordica í gær. Útskriftahópurinn var einstaklega fjölmennur að þessu sinni en alls útskrifuðust nýsveinar úr eftirfarandi þrettán iðngreinum;
- bakaraiðn
- framreiðslu
- kjötiðn
- matreiðslu
- bifreiðasmíði
- blikksmíði
- stálsmíði
- veiðafæratækni
- húsasmíði
- húsgagnasmíði
- málaraiðn
- múraraiðn
- pípulögnum.
Sveinar fengu gjafabréf á námskeið frá Iðunni og aðrar gjafir frá sínum fagfélögum og meistarafélögum. Einnig voru veitt verðlaun fyrir hæstu einkunn á sveinsprófi. Fjölmennastur var hópur nýsveina í húsasmíði sem luku sveinsprófi í vor. Alls luku 145 sveinsprófi á landsvísu og tóku 89 á móti sveinsbréfum sínum í gær.
Við óskum nýsveinum hjartanlega til hamingju með áfangann.
Framundan er afhending sveinsbréfa á Akureyri í október þar sem nýsveinar í framreiðslugreinum, byggingar- og málmgreinum fá afhent sveinsbréf sín. Einnig verður haldin útskriftarhátíð nýsveina í Reykjavík í nóvember.
