Nýsveinar taka á móti sveinsbréfum

Það var glæsilegur hópur nýsveina sem fékk sveinsbréfin sín afhend við hátíðlega athöfn á Hótel Nordica í vikunni.

Alls útskrifuðust nýsveinar úr átta greinum, en þær eru:

• Ljósmyndun
• Prentsmíð-grafísk miðlun
• Hársnyrtiiðn
• Snyrtifræði
• Bifvélavirkjun
• Veggfóðrun- og dúklögn
• Rennismíði
• Vélvirkjun

103 nýsveinar fengu gjafabréf á námskeið frá Iðunni og aðrar gjafir frá sínum fagfélögum og meistarafélögum. Einnig gáfu nokkur fyrirtæki gjafir til nýsveina sinna greina. Þá voru veitt verðlaun fyrir hæstu einkunnir á sveinsprófi í hverri grein.

Um 300 gestir mættu á Nordica til að samfagna með nýsveinunum og var þetta í fyrsta skiptið sem snyrtifræðingar taka þátt í þessari athöfn. Tónlistarmennirnir Sæmundur Rögnvaldsson sem syngur og leikur á trompet, Þorgrímur Þorsteinsson á gítar og Örn Ýmir Arason á kontrabassa fluttu ljúfa tóna.

Við óskum nýsveinum hjartanlega til hamingju með áfangann og bjóðum þá velkomna í hóp fagfólks í iðnaði.